News

Op www.internet-abc.de ass een interessanten a flotten "Surfschein". Mat enger ganzer Partie kanns du vill iwwer d'Sécherheet an d'Reegele vum Internet léieren. Hues du genuch Froe richteg beäntwert, dann hues du der däin eege Führerschein fir d'Online-Welt verdéngt.

E Buch iwwert d'Flüchtlingskris an eng gudd Méiglechkeet, d'Thematik an der Klass a mat Kanner opzegreifen. D'Buch geet immens déif an ass immens flott illustréiert.

Akim rennt vum Claude K. Dubois aus dem Moritz-Verlag.
ISBN: 978-3895652684

Am Cycle 2 ass d'Sonneschoul vermooss ginn. Mat all méiglechen Meteren an Hëllefen hun d'Schülerinnen an d'Schüler déi verschidde Längten ermëttelt. Hei e puer Andréck vun hierer Aarbecht.

E ganze Méindeg huet de Ycle 4 aus der Sonneschoul an der Steenzäit verbruecht. Zesumme mat engem echte Steenzäitmënsch si mir vill gewuer ginn iwwer d'Liewen an d'Juegd, hu selwer mam Bou a mam Speer geschoss an hu gesinn, wéi d'Häiser deemols ausgesinn hunn. Zesumme mat eisem Steenzäitguide hu mer souguer eng Zopp gekacht wéi deemols...

Den 2. Leschten Schouldag war an der Sonneschoul Schoulfest mam Motto „Schong“. Moies bis Mëttes goufen et 23 verschidden Atelieren fir d’Kanner z.B. Schung-memory, Schung-ping-pong oder Schung baken. Fir d’Iessen an d'Gedrénks hat d'Elterevereenegung natierlech och dëst Joer gesuergt. Et goufen Wraps an gutt Spiessecher an als Dessert frëscht Uebst. Am Nomëtten war dunn d’Talentshow mat 14 Optrëtter. Eis kleng Talenter hunn z.B. Flütt gespillt, Zaubertricker gewisen oder gedanzt. Dono ass den Owend zesummen mat den Eltren gemittlech auskléngen gelooss ginn.

Weider Andréck sinn an der Fotosgallerie ze gesinn.

D'Beetebuerger Schoulen hunn de Brevet sportif dëst Joer zu Diddeleng organiséiert. Op engem fräie Schoulmëtteg haten d'Kanner aus dem Cycle 4.2 d'Méiglechkeet, hir sportlesch Fähegkeeten ze beweisen an sech unzestrengen, eng Medail fir hir Leeschtung ze kréien.

Den 8. Juni ass de Schoulsportdag vun der Sonneschoul zu Beetebuerg bei der Sportshal. Divers Sportarte ginn ausprobéiert an als Highlight gëtt fir d'Kanner erem e Spendemarathon organiséiert. E grousse Merci un den Elteregrupp fir déi flott Ennerstétzung.

An der Woch virun der Vakanz war Beruffswoch an der Sonneschoul. Eng ganz Partie Elteren a Kollegen hunn hir Beruffer virgestallt oder deen op der Plaz presentéiert. D'Schülerinnen an d'Schüler ware bei de Schreiner, op de Radio, an de Staatslabo. Si kruten och méi aussergewéinlesch Beruffer wéi Buchbënner a Militärpilot virgestallt.

Fir Kanner aus dem Cycle 1 ass dëst Schouljoer de Päerdsatelier ugelaf. Am zweeten Trimester ware Kanner aus der Schoul am Duerf an aus der Sonneschoul zesummen am Stall. Am drëtten Trimester ass e Grupp vu Kanner aus der Reebouschoul bei de Päerd.